Gee só vir minderbevoorregtes ’n geseënde Kersfees

Uniprop het drie liefdadigheidstrollies by drie verskillende winkels waarin die publiek hulle donasies kan plaas vir die jaarlikse Solidariteit Helpende Hand, Boksburg se Kerspartytjie vir minderbevoorregte kinders.

Die Kerspartytjie vind op 2 Desember te Laerskool Witfield plaas. Ongeveer 100 tussen 150 kinders gaan dié jaar se Kerspartytjie bywoon.

Uniprop en Solidariteit is druk besig om donasies, byvoorbeeld kinderklere, toiletware, nuwe of tweedehandse speelgoed, legkaarte en boeke vir die kinders bymekaar te maak.

Uniprop het drie liefdadigheidstrollies by drie verskillende winkels waarin die publiek hulle donasies kan plaas.

Dié winkels is Cleo’s Pick n Pay in Elspark in Kingfisher Laan, Sunward Park Spar in Kingfisher Laan en Towers Pick n Pay in Noordrandweg.

Donasies kan ook by Uniprop se kantoor by 236 Rondebultweg, Libradene afgelaai word of hulle sal selfs kollekteer indien nodig.

Uniprop hou ’n liefdadigheid ‘road show’ op die hoek van Kingfisher Laan en Duiker Pad in Sunward Park op 18 November.

Die publiek is welkom om daar ook donasies te skenk of om met Uniprop oor hul liefdadigheid te kom gesels.

  AUTHOR
Ischke de Jager
Journalist

Latest News

COMMENTS

Top