Laerskool Concordia maak bejaardes se harte bly

Laerskool Concprdia se leiers het besoek by Huis Dien Bothma op 22 Junie afgelê.

Met behulp van die skool se ruim skenkings kon hulle 170 geskenkpakkies met basiese benodighede aan elke inwoner oorhandig, asook 170 varsgebakte muffins uit Marcell Venter se kombuis.

Die leiers het ’n kort vermaakprogrammetjie aangebied.

Kyle Smith (hoofseun) het met ’n oulike grappie die oumense verras en Marli van Krieken (hoofdogter) het met skriflesing geopen. Kimé Steenkamp het ’n sangitem gelewer en die spanredenaars het ’n opvoering gehou.

Susan Greyling (links) saam met Caryn Baatjies tydens Concordia se besoek by Huis Dien Bothma.

Die kuier is met die hele groep wat Amazing Grace in Engels en Afrikaans gesing het, afgesluit.

Die leerlinge het die oggend baie geniet en die bejaardes het hulle geselskap waardeer.

Die leerlingraad het met soveel deernis besef watter nood daar in die gemeenskap is en dit was ’n waardevolle les.

  AUTHOR
Ischke de Jager
Journalist

Latest News

COMMENTS

Top