Laerskool Goudrand duld geen vandalisme

Gedeeltes van die heining se punte is afgebreek.

“Ons het ’n vermoede wie dit is. Ons het kinders, tussen die ouderdomme van 14 en 16, oor die muur sien spring en weghardloop,” sê Steve Stephansen, voorsitter van die beheerliggaam.

“Dit is nie ons skoolkinders nie.”

Volgens Stephansen het dié beweerde kwaaddoeners die skoolgebou se ruite gedurende die skoolvakansie met klippe uitgegooi. Hulle het glo ook ’n gedeelte van die precast mure van die skool afgeskop.

Kwaaddoeners het ’n gedeelte van Laerskool Goudrand se precast mure afgeskop.

Stephansen sê dat daar dan ook ander kwaaddoeners wat die skoolheining gebreek het.

“Ons is moeg vir vandalisme by die skool,” sê Stephanus.

“Ons doen ons bes om die skoolgebou en perseel instand te hou en te beveilig, dan kom mense van buite en doen dít. Ons wil net die beste bied vir die kinders in Boksburg Noord.”

  AUTHOR
Ischke de Jager
Journalist

Latest News

COMMENTS

Top